vaovao avy APAIPM

Noho ny fahatongavan’ny fetin’ny Noely sy ny faran’ny taona dia tsy nanadino ny zanaky ny mpikambana sy ireo mpikambana ao amin’ny Association Professionnelle et Amicale des Inspecteurs de Police de Madagascar (APAIPM), ny tolokandron’ny Alahady, 23 Décembre 2007 teny amin’ny Cercle Mess de la Police Nationale ANTANIMORA dia nizara kilalao sy vatomamy ho an’ireo ankizy zanaky ny mpikambana sy gisa, menaka, vary, zava-pisotro (jus) ho an’ny mpikambana tsirairay. Miisa 200 ny mpikambana ka vola mitentina 35 Millions FMG no nenti-nanana ireto fanomezana ireto araka ny filazan’ny Filohany, ny Inspecteur Principale de Police de Classe Exceptionnelle RABENAHY Evariste Mario, ny Talen’ny fitantanan-draharaha sy ny fitantanam-bola eo anivon’ny Polisim-pirenena, ny Commissaire Principal de Police RAKOTONARIVO Edmond no nitarika ny lanonana, nisolo-tena ny Tale Jeneralin’ny Polisim-pirenena.

vaovaon'ny ABAPM

Notanterahana ny Asabotsy 08  Mars lasa teo iny ny fifampiarahabana tratry ny Asaramanitra 2008 teo amin’ny mpikambana ao amin’ny ABAPM na ( Association des Brigadiers et Agents de Police de Madagascar ) ka tao amin’ny CEMES ny Polisy eny Antanimora no toerana nifamotoanana tamin’izany.
Nandray fitenenana tamin’izany ny filoha Nasionalin’ny fikambanana ny BCP (Brigadier en de Police) RAPANDRANTO Andrianavalona izay nanoritsoritany fa tsy maintsy hohamafisina ny firaisankina sy fifankatiavana eo amin’ity Corps ity satria anisan’ny kitro hifaharan’ny asan’ny polisy  ny Brigadiers sy Agents de Police  ary izy ireo ihany koa no maro an’isa raha mitaha amin’ireo corps hafa misy ato amin’ny Polisim-pirenena .Nanentana ireo mbola tsy niditra izy ny mba tsy hisalasala hanamafy orina ny fikambanana satria mbola ,200 mahery eo izao no nisoratra ho mpikambana ary 20 amin’ireo ny membres de bureau national. Ny tanjona amin’ity taona ity dia ny hananganana ny Bureau Regional ny ABAPM any amin’ireo faritany 6  eto Madagasikara hoy ny filohan’ny ABAPM tamin’ny lahateny nataony.
Tonga teny an-toerana ny Tale Jeneralin’ny Polisim-pirenena ny Contrôleur Général de police TALBOT Antonin Alexis nanome voninahitra ity lanonana ity.Ary nofaranana tamin’ny korana  sy dihy ny fifampiarahabana tratry ny taona.

Fikambanan'ny Polisy vavy sy Vadin'ny Polisy

Fa nanatanteraka ny azy koa ny fikambanan’ny vehivavy Polisy sy ny Vadin’ny Polisy notarihan’ny Filohany, Ramatoa BARITOA Solonirina. Gisa, menaka fihinana, vary no nozaraina tamin’ny mpikambana tamin’ny SABOTSY, 22 Décembre 2007, teny amin’ny Cercle Mess de la Police Nationale ANTANIMORA

 Hetsika nataon'ny Fikambanan'ny Polisy vavy sy Vadin'ny Polisy

nofon-kena mitam-pihavanana.